Miam

Un dels blogaires m'a parlat d'una edicion de libres que prepausava de cosinas inovantas coma "25 solucions per cosinar amb de coca" o mai tuertant encara " 25 biais de cosinar de coconhetas" bon me soi entresenhat e òc existísson ben de libres qu'explican coma cosinar de coconhetas...
E una idea de present (o de repaís) per nadal...

Paf Cadeau !!!

Anèm !!! per far dançar lo paire nadal dins ta chemineia bota li de reggae from the pyramides :
http://fr.youtube.com/watch?v=gg7WG6tCbrw

Filh de pub !!!

Per festejar la fin de la publicitat sus França Television, la fin del serviçi public, e l'avenament de la minuta de cervèla disponibla sus Tf1, las qualquas publicitats que caliá veire abans de morir :
http://fr.youtube.com/watch?v=oVhVnym823g
http://fr.youtube.com/watch?v=y52pJhSnpeE
http://fr.youtube.com/watch?v=IsytUctGm5k
http://fr.youtube.com/watch?v=oj-_puzDTXE
http://fr.youtube.com/watch?v=RTNJcN9dk5g
Enjoy...

Lo mistèri del miegjorn

Los profesors pòdon se demandar coma fan lo estudiants que tenan 4 oras per manjar per arribar en retard l'aprèp dinar uèi vau vos liurar un element de responsa. Prenèm tres estudiants metjans per exemple la domaisèla M.S ; monsur B.B e ten lo F.B (o L.P.D.M.J per los occitans mejans). Sortisson del resto u, es 12h30 (van al resto u per 11h45 e manjan leù), arriban al medoc (qu'autorisa los estudiants a s'assetar dins un canapé e a utilisar un ordenador se degun qu'a pagat la cotisacion n'a de besonh, coma sols lo president, la presidenta e de segur la tresorièra l'an pagat aquò's jogable), bon son assetats, dos dins lo canapé, un sus l'ordi, atencion lo dimars se'n pòt veire un a la taula perdequé acaba lo trabalh per J.C.F (un escrivan occitan dels grands, amator de botanica e de sadisme gramatical...), bon lo qu'es sul sofa dormis lo qu'es a taula trabalha mas m'anèm demandar e lo qu'es sus l'ordenador, e ben i a quatre o cinc possibilitats :
1-Deezer.com : que permet d'escotar de musica las playlists mas escotadas se sonan Fred e Un pauc de tot. Utilisators mai frequents : F.B e B.B.
2-Miniclip.com : que permet de jogar a de jòcs : los mai famos : Canyon Defense, Samsung Football, Obama vs Mc Cain. Utilisators mai frequents : F.B e M.S.
3-Blogger.com : per redigir aquela mena d'article sens interest. Utilisators mai frequents : totes.
4-Facebook.com : per apondre una vida virtuala patetica a una vida reala mediòcra e far de test del genre : quin setòri sies. Utilisatriça : M.S
5-YouTube.com : per agachar de videos las darrieras en data : http://www.youtube.com/watch?v=l0IiB0cnBJE
http://fr.youtube.com/watch?v=SZ7OhP8rpoQ
Mila excusas a totes los profesors d'occitan que balhan los cors que debutan aprep lo dinar mas crèsi qu'aquèlas practicas ninoïas van continhuar, mas excusas al nom del comitat de la C.D.E.C.A.P (Canha D'anar En Cors Aprep Dinar)
A leù...
Potons....

Paris

Aqueles quatres darrièrs jorns foguèri a Paris per d'obligacions conjugalas e al mesprès de mon escolaritat ja sofrachosa. Al programa rescontra amb los amics de ma mia que volian jutgar se un estudiant d'occitan de 20 ans que vivia en cò de sa maire podía satisfaire una joventa en memòria de sociologia de 24 ans amb de projectes vertadiers per l'avenidor. A priori ai obtengut mon diplome del companh acceptable...
De visitas : St German (tròp de veituras), Montmartre (tròp de toristas), La Gota d'aur (perfièch enfin un ambient uman e autentic), e fin finala lo Louvre la nuèch que ma femnèta conneissia plan perdeque i trabalhèt un mès. Foguèt per lo còp un grand plasèr, los bastiments impressionants, majestuòs. La piramida casi mistica, los jogaires de musica clasica sota las arcanas un emervelhament total...
L'occasion tamben de veire de montpelherencs expatriats, que pensan coma ieu quina bela vila a despart los dos problèmas matges es tròp grand e las gents, las gents...

chines connexion

S'èri un objecte : L'estatut de culòta me sembla agradiu... ^^
S'èri une sason : L'ivèrn la jornada, l'estiu la nuèch.
S'èri una mangiscla : Un polet al curri aprèp overdòsa de fast food chinés.
S'èri un animal : Un cat per lo mix posa graciosa/afalament larvesca.
S'èri una cançon : Escoti un pauc tròp de cançons tristas doncas per cambiar un quicòm plen de joía ben fresc genre "Sweat" d'Inner Circle o Dreadlock Holliday de 10 cc
S'èri una color : Un pauc de jaune, un pauc de blau (non pas de verd...).
S'èri un roman : Benleù Lo perfum de Patrick Suskind e Bilbo le hobbit (un pauc de fascinacion per la gent féminine, un fum de pels suls artelhs). En fach Poetica del viatge de Michel Onfray darrièra friandisa intellectuala en data...
S'èri una legenda : Une legenda indiana que conta la creacion de l'estèla del pastre o alara la democracia...
S'èri un personatge de ficcion : David Duchovny dins Californication se s'acaba mal, O'Malley dins Grey's anatomy se s'acaba plan...
S'èri un film : Dancer in the Dark, Transylvania, Into the wild, la Haine, Brazil, Ghost Dog e tantes mai...
S'èri un dessenh animat : Futurama
S'èri una arma : Una frasa ben sentida que tòca las carenças afectivas et las falhas emocionalas, sus un ton glaçat, amb un agach mespresant... (conneissètz pièger ? A despart lo napalm de segur...)
S'èri un endrech : Un prat dins lo Cantal o mon teulat mas alara sietat amb una cigareta quasiment nut per una bela nuech d'estiu amb qualques gramas dins lo sang...
S'èri una citacion : Pusleù una comparason a la con ne fau tot lo temps, genre : "uèi sembli a Colin Farell sens las coconhetas"
S'èri un vegetal : Un gros pè de Weed...
S'èri una frucha : Une pichòta ceresa.
S'èri un bruch : Un ronronament.
S'èri un climat : Pas aquel d'uèi en tot cas, o alara seriái un climat sadic... ja que soi ciclotimic...
S'èri un leser : La degustacion de pastís per intravenosa en short...
S'èri : Un polit parelh de cauçaduras per remplaçar las mieunas
S'èri una peça d'un ostal : Un salon enfumat e joncada de botelhas vuèjas... que cal rengar lo matin amb lo morre de fusta.

Vaquí...

perqué pas...

Una solucion causida per los utilisators d'internet per parlar d'eles sens tròp en parlar es aquela dels tests doncas lo subjecte d'aquel article es :
Tests nècis.
Exemple : Resultats del test de puretat
Vòstre scòri es de 235 punts. Responsas positivas : 55 %
Responsas positivas sus las begudas : 60 %
Responsas positivas sus las drògas : 83 %
Responsas positivas sus lo sexe : 48 %
Commentari : Vivetz vòstra vida dá fond las bananas sens paur de l'endeman !(Una marca que vos balha lo drech de bramar vòstra impuretat à l'assistençia :P) Per vòstra informacion, la marca metjana obtenguda per vòstra atge (20 ans) est de : 155.
Estranh... La resulta coma l'emplec de l'expression dá fond las bananas al sègle 21 me daissan perplexe.

O encara : Tu siás : Hannibal Lecter : 79%
Indiana Jones : 77%
Jim Levenstein (American Pie) : 74%
James Bond : 72%
Tony Montana (Scarface) : 72%
Yoda (Star Wars) : 70%
Maximus (Gladiator) : 70%

Tanben : Test dels pecats capitals : Sètz dins la metjana i a ges de vergonha de ressentir
Vòstres punts : 60 sur 152
Resulta Globala : 39 %

La canha : 68%
La gromandisa : 65%
L'auvernha actitud (avariça) : 47%
L' orgulh : 54%
L'enveja : 11%
La luxura : 54%
La colèra : 14%


Vaquí...